郭富城闻纪香情变：关我乜事？

郭富城昨日出席《爆旋陀螺全城創紀錄》，對於緋聞女友藤原紀香自爆戀情有問題時，他只推說：「關我乜事！」。

由《太陽報》協辦、和記黃埔地產主辦的《爆旋陀螺全城創紀錄》，昨日在黃埔新天地舉行總決賽，邀得郭富城（Aaron）擔任表演及頒獎嘉賓，吸引過千名歌迷捧場，當中不乏一家大細。Aaron除與一班小朋友載歌載舞外，更與在場的五百多位小朋友，創出最多陀螺同時間及地點轉動的世界紀錄。

對於有報道指其緋聞女友藤原紀香感情觸礁，Aaron顯得不願多談，只說︰「我唔會講人地的感情事。（佢最近開唔開心？）我唔識答，唔講感情事，問番當事人啦！」有說他是紀香與日籍男友的第三者，Aaron呆了呆說︰「完全唔明白，呢個問題距離太遠啦！關我乜事！」

否認是第三者

雖然Aaron否認與紀香的情侶關係，但他仍關切地為對方澄清，強調紀香不是因感情事而情緒低落，他說︰「紀香?網頁上澄清過，佢情緒低落係因為探訪完阿富汗的小朋友，覺得佢?好需要幫助。點知第二日傳媒?焦點依然係感情，佢咪唔開心囉！（你都幾了解佢喎。）我同佢合作的咁耐，相信我係佢的朋友之一。」

Aaron最後更無意間表示其感情世界撲朔迷離，存在不少問號，但當記者進一步詢問時，他說︰「我唔係話自己，我話其他藝人！大家咁關心，我都好開心，有日我組織家庭，一定會話畀大家知。」