城城如拍拖会公告天下

最近日本傳媒大字標題報道藤原紀香感情觸礁，事後紀香在網站中直言為此事而情緒低落，因她正談及阿富汗之行，但傳媒卻將焦點放在其感情生活上。與她傳出緋聞的郭富城卻不願多提，並叫大家問回紀香本人。

　城城表示：「之前我戴首飾，大家又咁敏感，你?都係問當事人啦！我唔清楚，唔識答。」不怕被誤會為第三者嗎？他說：「我唔係好明白，你地諗得太遠啦，關我乜事？我有睇篇報道，紀香唔係咁講。」他指紀香談阿富汗探訪之行，希望喚起各界關注，他認為紀香身為一個女性，身處險境實在勇敢，但傳媒焦點卻集中在她的感情世界上，難怪紀香會情緒低落。

拍拖會公告天下
　作為朋友他會否致電安慰對方？城城卻說：「唔好提啦，全世界傳媒都關注藝人感情多過工作，我感情的確係撲朔迷離、一個問號，或者讀者好有興趣，但我都係一個人，總之有日拍拖或者組織家庭就一定會話畀大家聽，但我目前以工作為重。」

　昨日城城為《爆旋陀螺》總決賽任表演嘉賓，又即場與五百位小朋友共創陀螺世界紀錄，現場吸引過千人圍觀，場面墟撼。而他將於廿八號任鍾鎮濤的演唱會嘉賓，並感激對方在他出道時給予鼓勵。